《人生大轉踅》是盧廣誠七十冬的人生故事，出世佇移民家庭，因為細漢的時致覺家己華語講袂順，伊開始大量閱讀、苦練發音，予伊未來佇廣播、教學領域有實腹的基礎。退伍了後，人生閣一擺大轉踅，自工程專業，插班考入淡江中文系，投入語言的世界。佇一擺機緣接觸台語教學，開始自學羅馬字，音韻、語法一項一項摸，研究臺灣華語按怎受台語影響，得著學界肯定。日後，推捒臺羅拼音、母語保存，靠對智識的熱情，替台語釘根。

咱會當綴作者的跤跡，行過早年環境的變遷。30年代老爸唐山過台灣，一家伙仔佇基隆發展；50年代因為反共的需要，招大專生做預官的制度；60年代美國佇台灣設立華語訓練中心──史丹福中心（IUP），90年代變做臺大國際華語研習所（ICLP），換頭人了後，職場文化的改變……伊用一个家族、一个人慢慢行過的路，替時代留聲。

【各界讚聲】

王秀容（台語文作家、公視台語台顧問）

王麒愷（阿愷之聲Podcast台長）

陳豐惠（公視台語台顧問）

黃震南（藏書家、文史研究者）

張瑞夫（萬秀洗衣店第三代、主持人）

鄭順聰（台文作家）

（按筆畫順序排列）