【序幕】(華文版)
伍長、思螢
由伍長扮演臥床老人。
舞台上一張病床,潔白的病房,機器的滴答聲。
雷聲隆隆。
老人:我做了夢。夢到土人。
思螢:下過雨了。很大的雨。
老人:打雷?
思螢:嗯。
思螢為老人蓋上棉被。
老人:我夢到我在叢林裡行軍,每到下午,叢林都會下雨。很大的雨。很少下到晚上。遠遠地,看到草叢中黑色的影子,靠近一看,果然是土人,全身黑漆漆的土人。
燈光轉換,場上黑影幢幢,場景從病房轉移至戰場。
軍隊穿行於病房中,他們搬來越來越多的椅子。
老人:下大雨,我們往前走,土人站在那裡看我們。他們沒有蓑衣,沒有穿衣服,男的一條兜襠布,女的一片裙⋯⋯我看見一個土人拎著山雞,站在雨中看我們……他的黑眼睛和我對上,我很害怕,想別開眼睛,卻好像被土人的眼睛吸了進去……
思螢俯身輕聲和老人說話。
老人:男的。他一手拿著刀,雞脖子還在流血,血在他腳邊積成一灘小水漥,往我這裡流過來。我很害怕。(頓) 土人會吃人。
思螢俯身輕聲和老人說話。
老人:我不知道,有人走在後面、落單、不見了,別人就會說, 他一定給土人抓走,抓去放在大鼎裡煮……
思螢俯身輕聲和老人說話。
老人:沒有。土人只會在草叢裡偷偷看。靠近就跑走。(頓)怕被土人看。好像我們是賊,偷了土人的東西。有人說慰安所有女土人,有個部隊專門抓她們去慰安所。(頓)我以為他們在開玩笑。我們這樣的人,不能去慰安所的。
思螢俯身輕聲和老人說話。
老人:不知道,太偏僻了,什麼都沒有。只有海邊的碼頭,那是我們來之前就建造好的。船靠岸,把貨物都搬下來。常常三天沒有睡覺,累了就在泥土地上躺著休息一會。我也不知道,一個一個大木箱,堆滿每個角落,我們把箱子排好、排整齊,蓋上防水帆布。
場上燈光轉暗,閃電與雷聲。
老人:海邊有一間病院。在島的另外一邊。
思螢:又打雷了。
老人:我怕。我怕那些聲音……轟炸……海邊……大鐵鳥飛來,黑色影子覆蓋在我身上,我離開樹叢,一直跑一直跑,落在樹叢,土石崩落,會被埋在裡面,我怕爆炸,要是燒起來,就沒有地方跑……我一直跑、一直跑,不敢停下來,直到爆炸聲從遠遠的後方傳來,才知道安全了。回頭去看,只剩下兩個很深的洞。我們把屍體從病院運出來,埋進裡面。好多好多屍體……多到我以為我也是屍體,一個一個,和我長得一樣,眼睛、鼻子、嘴巴……全都沒有手掌。
思螢:為什麼沒有手掌?
老人:你要幫我去找陳樹桐,幫我帶金仔粉給他……
思螢:陳樹桐是誰?
老人:他快病死了,都是我的錯,我沒有金仔粉……
思螢:我要去哪裡找他?
老人:去港口……我要出發了……我們一起拍了相片……他搭先一班的船走了……幫我去港口找他……
【序幕】(台文版)
伍長、思螢
伍長搬破病倒佇眠床的老人。
舞台頂一頂病床,白鑠鑠的病房,機器咧行的聲。
霆雷公。
老人:我陷眠。夢著土人(thóo-lâng)。
思螢:有落雨。落真大齣。
老人:有霆雷公?
思螢:有。
思螢共老人蓋被。
老人:我夢著我綴軍隊佇深山林內,下晡時山內攏會落雨。落序幕足大。暗時較無雨。遠遠仔,看著草埔內底烏色的影,行過共看,有影是土人,規身軀烏趖趖。
電火轉換,舞台頂烏影四界飛,場景對病房轉去戰場。
軍隊迵(thàng)過病房,怹直直搬椅仔--入來。
老人:落大雨,阮對頭前行去,土人徛佇遐咧共阮看。怹無穿棕蓑、無穿衫,查埔縖(hâ)一片布,查某縖一條裙……我看著一个土人掠一隻山雞,徛佇雨中看阮……伊烏輾輾(oo-lìn-lìn)的目睭和(hām)我對看,我真驚,想講目睭莫褫(thí)開,煞敢若予土人的目睭食--去……
思螢向(ànn)落去輕聲和老人講話。
老人:查埔--的(ê)。伊一手攑刀,雞頷頸閣咧流血,血佇伊的跤邊,滴甲像一窟(khut)細窟的窟仔,流對我遮來。我會驚。(頓)土人會食人。
思螢向落去輕聲和老人講話。
老人:我毋知,有人行佇後壁、孤一个、無去矣,別人就會講,彼(he)一定是予土人掠去,掠去下落大鼎煮……
思螢向落去輕聲和老人講話。
老人:無。土人干焦會覕(bih)佇草埔仔內偷看。行倚(uá),怹就走--去。(頓)驚予土人看。阮袂輸賊,偷提土人的物件。有人講慰安所有查某番,有一个部隊專門掠怹去慰安所。(頓)我掠準怹咧講笑。像阮按呢的人,袂當去慰安所。
思螢向落去輕聲和老人講話。
老人:毋知,傷草地--矣,啥物都無。干焦海邊仔彼个軍港,彼阮來進前就起--好矣。船靠岸,落貨。定定三工無睏,忝就佇塗跤倒--一下。我嘛毋知,一跤一跤大跤柴箱,鎮甲規四界,阮共箱仔排予整齊,崁(khàm)帆布(phâng-pòo)。
舞台電火轉暗,爍爁(sih-nah)佮雷聲。
老人:海邊仔有一間病院。佇島的另外一爿。
思螢:閣霆雷公矣。
老人:我會驚。我會驚彼个聲……轟……海邊⋯⋯大隻鐵鳥飛來,烏影崁佇我身上,我離開樹林,一直走一直走,彼隻鐵鳥栽佇樹林仔內,土石崩--落來,會予埋佇內底,我驚會爆炸,若是燒起來,就無所在通走……我一直走、一直走,毋敢停落來,一直到爆炸的聲對後壁遐遠遠傳--來,才知影安全--矣。越頭過看,賰兩个深深的空。阮共死體對病院扛--出來,埋入去內底。足濟足濟死體……濟到我感覺我嘛是死體,一副一副,和我生做仝款,鼻、目、喙……毋過攏無手捗(tshiúpôo)。
思螢:是按怎無手捗(tshiú-pôo)?
老人:你去替我揣陳樹桐,替我提金仔粉予--伊……
思螢:陳樹桐是啥物人?
老人:伊破病,咧欲死--矣,攏我害--的,我無金仔粉……
思螢:我是欲去佗位揣伊?
老人:去港口……我欲出發矣……阮有做伙翕一張相……伊坐頭前彼班船走矣……替我去港口揣伊……